王君馨 唔介意齋坐無獎攞

王君馨與泳兒昨日出席新城頒獎禮記招，今年推出歌曲《Casada》的君馨，將首次以歌手身份出席音樂頒獎禮，但君馨卻不是今年樂壇新人：「我喺2014年同英皇推出咗隻福音碟，所以我唔係新人，但當年無人通知我去頒獎禮。我感覺係第一日返學，但已經係四年級。（有信心攞獎？）我唔係新人，信心降低咗少少，因為太多歌手。」

會否擔心到時無獎攞「齋坐」？王君馨說：「唔緊要，我第一次嚟坐，好似我十年前出席無綫台慶都特別興奮。遲啲我會出新歌，會拍好勁嘅MV。」叫泳兒過兩招給君馨？泳兒說︰「君馨喺MV跳得好sexy，完全唔似新人，反而我要佢過兩招畀我。」